احسان عظيم صديقي
احسان عظيم صديقي
احسان عظيم صديقي: مشھور شاعر، اديب، سياسي ۽ سماجي شخصيت احسان عظيم صديقي ولد اوصاف صديقي 12 ڊسمبر 1942ع تي زمانيه (اتر پرديش) ۾ ڄائو. پاڪستان ٺھڻ کانپوءِ پنھنجي والدين سان گڏ هندستان مان لڏي اچي ڪوٽڙي ۾ رهائش پذير ٿيو. هن ڪوٽڙي، ڪراچي ۽ اسلام آباد مان تعليم حاصل ڪئي. سياست جو آغاز ’ٽريڊ يونين‘ ۾ شموليت سان ڪيو، ان کانسواءِ ’سنڌ پوليٽيڪل فرنٽ‘ جو سيڪريٽري، چيئرمين ڪميٽي ’تحريڪ استقلال سنڌ ڪوٽڙي‘ ۽ 65-1964ع ۾ حزب اختلاف ڪوٽڙي فاطمه جناح جي پارٽيءَ جو سيڪريٽري مقرر ٿيو. ۽ ’الفتح‘ رسالو جاري ڪيو. سنڌي اخبار ‘آفتاب’ جو نمائندو پڻ رهيو. هن جا ننڍي کنڊ جي ڪيترن عالمن، اديبن، سياستدانن ۽ شاعرن سان علمي ادبي دوستاڻا تعلق هئا. 1959ع ۾ ايوب خان جي مارشل لا خلاف فيض احمد فيض، جوش مليح آبادي ۽ ٻين ڪيترن ئي عالمن، اديبن ۽ شاعرن سان گڏ احسان عظيم به پاڻ ملھايو. ان کان علاوه سندس ادارت ۾ ماهوار ’ڪوئسٽ فار ناليج‘ رسالو جاري ٿيو، جيڪو ڪيترائي سال پابنديءَ سان ڪوٽڙيءَ مان شايع ٿيندو رهيو. هن 29 مئي 2008ع تي ڪوٽڙي ۾ وفات ڪئي، سندس تدفين ڪوٽڙي جي ٻڍل شاهه قبرستان ۾ ٿي.
لفظ احسان عظيم صديقيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1942.12.12 عيسوي
مشھور شاعر، اديب، سياسي ۽ سماجي شخصيت احسان عظيم صديقي ولد اوصاف صديقي 12 ڊسمبر 1942ع تي زمانيه (اتر پرديش) ۾ ڄائو.
2008.05.29 عيسوي
احسان عظيم صديقي 29 مئي 2008ع تي ڪوٽڙي ۾ وفات ڪئي، سندس تدفين ڪوٽڙي جي ٻڍل شاهه قبرستان ۾ ٿي.
شاعر - ڀاڱي جون ٻِيون داخلائون
ٺاڪرداس ڀاونداس تولاڻي ٺاڪررضوي ميون شاهه عنات
حاجن ’سائل‘ ميمڻ
محمد صالح سومرو
محمد عثمان جمالي
صمد حسين رضوي
جبار آزاد منگي
آزاد صوفي2
امداد حسيني
بيبي حوا ٻائي